Þegar kemur að málum eins og kínversku og japönsku þá er það að læra skrifmál og talmál enginn hægðarleikur. Fyrir utan að læra nýtt hljóðkerfi eða tóna þarf einnig að læra þúsundir tákna og orða sem eiga lítið skylt við okkar daglegu reynslu.  Mikið af þessu er einfaldlega utanbókarlærdómur, eitthvað sem þarf að festast í minni svo við getum treyst á að þekkja viðkomandi tákn eða orð þegar við loks rekumst á það.

Höfundur hefur undanfarið ár unnið við vefsíðu nokkra sem tekur akkúrat á þessum vanda og er manni almennt innan handar við allskonar tungumála lærdóm. Vefsíða þessi er Iknow.co.jp og er í stuttu máli lærdómsvefur með félagsívafi sem er öllum opinn að kostnaðarlausu. Síðan var upprunulega gerð til að hjálpa japönsku mælandi að læra ensku en hefur smátt og smátt verið að bæta við efni fyrir enskumælandi sem vilja læra japönsku og nú nýlega kínversku. Einnig hafa verið gerð tól til að gera notendum kleift að setja inn sitt eigið efni á hvaða tungumáli sem er. Helsti styrkleiki vefsvæðisins og að það er gert með það að megin markmiði að hjálpa fólki að læra og muna staðreynda-bundna þekkingu (e. declarative knowledge). Fylgst er með hvenær viðkomandi er líklegastur til að gleyma hverri staðreynd fyrir sig og skjóta henni þá upp á yfirborðið til að fara yfir.

Til að byrja með langar mig að kynna þessi tól, hvernig maður setur saman eigið efni til að læra og að lokum hvernig maður notar forrit þau sem boðið er upp á til að læra efnið.

Skráum okkur inn á iKnow og búum til notendanafn, því næst er valið tungumál það sem nota á í náminu og það tungumál sem áhugi er fyrir að læra. Þegar skráningu er lokið ættu að blasa við nokkrir kúrsar við hæfi. Byrjum samt á því að setja saman okkar eigin glósulista.

Listinn er smíðaður með því að skoða "My Page", en þar undir eru "My Lists" og má þar skoða alla þá lista sem maður hefur smíðað eða búa til nýja. Hægt er að gera þrenns konar lista: Theme list, Video list eða Text List. Video list er list með orðaforða tengdur einhverju myndefni, text listi er tengdur einhverja grein en theme list er almennur orðalisti sem fylgir hvaða þema sem notandinn velur.

Ég tók mig til og smíðaði stuttan theme list titlaðan "Algengar spurningar og svör í Japan"
 

 
Með því að smella á "Theme list" og fylla inn helstu upplýsingar s.s. lýsingu, mynd, hvaða tungumál á að vinna með og loks velja "create" fær maður upp síðu listans. Þar má velja "list builder" og þá getur maður bætt við orðum.

Frá lista síðunni má síðan sjá flippa sem sýna öll orð (items), setningar, umræður og þá notendur sem eru að stúdera listann.
 

 
Til að stúdera listann nota ég iKnow forritið (Launch iKnow!). Eftir að búið er að smella á start hnappinn þá kemur upp yfirlitsskjár sem sýnir þau orð sem farið verður yfir í þessari setu.

Þaðan er spurningarleikur nokkurskonar hafinn. Fyrst er spurt hvort þú þekkir viðkomandi orð og ef svarað er neitandi þá færðu tækifæri til að fara yfir orðið og tengdar setningar. Ef svarað er játandi er prófaðu úr orðinu.

Spurningar og prófanir eru þannig hannaðar að þær reyna á minni notandans. Fyrir japönsku er spurt um orð og prófað á merkingu þess, eins er prófað á Kanji og Hiragana, Kanji og merkingu og loks á Hiragana stafsetningu.

Ef svarað er vitlaust hefur það áhrif á útreiknaðan minnistyrkleika orðsins og það kemur þá fyrr upp aftur í prófun.
Tvö önnur forrit eru einnig til staðar til að hjálpa við að læra efnið, en það er annars vegar "Dictation" sem gerir út á að stafsetja setningar og síðan "Brainspeed" sem fer hratt í gegnum orðalistann og leyfir þér að velja svör úr aðeins tveimur valkostum. Brainspeed virkar frekar sem hraður leikur og má jafnvel spila á Nintendo Wii.

Nú fyrir þá sem vilja bara læra er til nóg efni. Það má finna margvíslega kúrsa undir "Japanese Courses in English" og eru kúrsarnir flokkaðir í seríur. Fyrir byrjendur má t.d. nefna Hiragana og Katakana seríuna þar sem farið er í gegnum japanska hljóðstafróið.